Ragga Gröndal og Árstíðir í Flugskýli Mýflugs

Ragnheiður Gröndal gaf út nýja plötu 1. mars sem ber heitið Töfrabörn og inniheldur nýjustu verk hennar. Platan var unnin í London með upptökustjóranum Gerry Diver ásamt fleiri tónlistarmönnum og ber með sér nýjan og spennandi hljóm.

Hún mun flytja blöndu af nýju og eldra efni af plötum sínum. Með henni á tónleikunum verður gítarleikarinn Guðmundur Pétursson.

—

Hljómsveitina Árstíðir þekkja flestir fyrir órafmagnaðann hljóðfæraleik og raddaðan söng. Í tónlist þeirra má gæta áhrif úr ólíkum áttum og hefur hljómur hljómsveitarinnar verið í stöðugri þróun síðan hún kom fyrst fram á sjónarsviðið sumarið 2009.

Síðustu árin hefur sveitin leitað út fyrir landsteinana, ferðast um gjörvalla Evrópu og komið fram á ýmsum gerðum tónleikastaða – allt frá vel sóttum tónlistarhátíðum til lestarstöðva.